Imaxe: Ricardo Liniers Siri

sábado, 16 de marzo de 2024

O MAPA DO TESOURO


A proposta para o obradoiro de cociña en familia desta fin de semana era facer o mapa de tesouro. E o primeiro en chegar foi o da pirata Aroa, preparada para ir buscalo. Moitas grazas a todas por participar!


Aroa e o seu mapa do tesouro

Van chegando máis mapas, piratas! O tesouro está a piques de aparecer!

Adán e o seu mapa do tesouro


O mapa do tesouro de Adán


Lara e o seu mapa do tesouro

xoves, 14 de marzo de 2024

A PATACA DE LARA


 Lara levaba dicíndonos varios días que tiña unha pataca moi grande na súa casa e que quería traela ao cole. O martes tróuxoa a Leiro e estivemos vendo as raíces e o grande que estaba. Seguro que en Leiro e cos coidados de todos os nenos e da profe Ana vai medrar moito máis. Moitas grazas a Lara e a súa familia por compartila con nós! Picade aquí para ir ao blog de Natureza e ver como a plantaron.





domingo, 10 de marzo de 2024

SEMANA DA PRENSA 2024

 Ao longo desta semana celebrouse a Semana da prensa. Nós adoitamos ler noticias ao longo de todo o curso, comentalas, buscar infomación adicional... Aproveitando que se inaugurou o Salón do Libro de Pontevedra, estivemos lendo unha noticia e mirando as fotos e enterámonos de que este ano está dedicado á maxia e que Orbil, a mascota do Salón, aproveitou a ocasión para disfrazarse de mago cun gorro, unha capa e unha variña máxica. 



Outro día enterámonos de que en Vigo hai unha exposición ben curiosa.



Buscamos a páxina web de Comedy Wildlife e atopamos as fotografías finalistas e gañadoras dos últimos anos. Non sabedes canto nos rimos con algunhas delas xogando a pensar que estarían dicindo os animais que aparecían retratados. Se vos apetece velas en familia, picade aquí e ide abrindo as galerías.





DANIELA E AS MOZAS PIRATA

 O martes pasado Zapatocas quixo celebrar o Día Internacional da muller cunha nova aventura de Daniela pirata ilustrada por Gómez: Daniela e as mozas pirata. Así coñecimos as Pirañas Intrépidas, unhas mozas pirata buscadoras de tesouros que non dubidan en axudar a todos os que van atopando no seu camiño: desde sereas e tritóns ata submarinos e baleas. Cando chega o momento no que elas precisan axuda, Daniela e a súa tripulación saen ao rescate. Vivan as mozas pirata!













ILLA DO TESOURO

 A proposta para o obradoiro de cociña en familia desta fin de semana era facer a Illa do tesouro. A primeira en chegar foi a de Adán. Terra á vista! Parabéns, piratas! Moitas grazas a todas por participar!



Adán e a súa Illa do tesouro


Alma e a súa Illa do tesouro



Valeria e a súa Illa do tesouro